Ante a declaración do Estado de Alarma e seguindo as recomendacións das autoridades sanitarias ao redor da propagación do virus COVID-19, tomouse a decisión de suspender as terapias de grupo. O seguimento das consultas individuais realizarase a través de medios telemáticos, de forma temporal, as próximas dúas semanas. Retomaranse en canto as condicións melloren e o Goberno o permita.
Esta decisión tómase ante a responsabilidade sanitaria na que se engloba a asociación. As terapias de grupo albergan nun espazo reducido a un gran número de persoas e as terapias individuais realízanse a pouca distancia entre profesionais, pacientes e familiares. Un caso positivo nalgún dos membros da asociación afectaría rapidamente a decenas de persoas e favorecería unha rápida propagación na comunidade. Ante calquera emerxencia os teléfonos da Asociación están operativos no horario habitual.
Rogamos desculpedes as molestias ocasionadas por esta suspensión temporal e agradecémosvos como sempre a vosa colaboración.
