A asociación Agalure comezou a traballar onte no plan de prevención dirixido a todos os xogadores e xogadoras que forman parte das categorías inferiores do Victoria CF.
Baixo o título “Prevención das adiccións sen substancia no ámbito xuvenil e o deporte”, o obxectivo destas xornadas é que os seus futbolistas en formación poidan ser conscientes dos riscos que existen arredor desta problemática social, cada vez máis en auxe entre a xuventude.
As charlas estenderanse tres semanas, dende o martes 2 ata o venres 19 de maio. Correrán a cargo dos profesionais especialistas de Agalure, asociación dende a que nos gustaría agradecer á dirección do Victoria CF que tivesen en conta un tema tan importante na actualidade como o son as conductas aditivas, un considerable problema na adolescencia que debe previrse e tratarse. O Victoria CF é o terceiro club de fútbol que conta con Agalure para concienciar ós seus deportistas sobre esta problemática, despois do RC Deportivo da Coruña e Bergantiños CF.
A finais de marzo, Juan Vázquez, presidente do Victoria CF, estivo nas instalacións de Agalure firmando este novo convenio.
Agalure, ademais de levar a prevención a centros educativos e formativos, somos unha entidade de utilidade pública que ofrece atención psicoterapeútica e xurídica, xunto cos apoios necesarios para a rehabilitación e inclusión social dos afectados por ludopatía e ou outras adiccións comportamentais.
A nosa sede asistencial de Coruña, aberta de luns a venres entre as 16:00 e as 21:00, está ubicada na Rúa Pasteur 30, fronte ó centro de especialidades do Ventorrillo. Tamén estamos operativos no teléfono 981 289 340 ou a través de correo electrónico agalure@agalure.com.
Recementeme abrimos un novo centro asistencial en Lugo, no que estamos a disposición baixo cita previa no 982 991 670.
