Quen somos

OS  FINS DA  ASOCIACIÓN

Os fins da Asociación consisten en:

• Ofrecer a persoas que padecen a enfermidade da Ludopatía ou outras adiccións sen substancia ou comportamentais e/ou á contorna dos mesmos a atención médica, psicoterapéutica, inserción social e laboral, asesoramento xurídico e os apoios necesarios para a rehabilitación dos afectados, mediante un equipo dirixido por profesionais cualificados debidamente titulados, dando unha relevante importancia á Saúde Mental. Todos estes campos no seu máis amplo espectro de información, formación, asesoramento, tratamento, inserción e investigación, sen impedimento de idade para intervir, así como nas consecuencias xurídicas, sanitarias, sociais e/ou psicolóxicas. Cunha apertura de idade que posibilite traballar a infancia, menores, mocidade, adultos e terceira idade.
• A difusión, prevención e sensibilización da sociedade respecto de os problemas asociados á adicción ao xogo ou outras adiccións sen substancia ou comportamentais.
• A difusión e sensibilización que axude á detección de persoas afectadas por este problema a fin de facilitar a realización das actuacións preventivas e que fomente o apoio e a comprensión social cara ás persoas afectadas.
• A promoción e fomento das condicións que posibiliten a igualdade social desde unha perspectiva de xénero e a participación da muller en todos os ámbitos da vida económica, política cultural e social.
• A prestación de servizos e realización de actividades en favor da mocidade.
• Crear centros de información, prevención, protección, rehabilitación e reinserción social das persoas afectadas pola Ludopatía ou outras adiccións sen substancia.
• O estudo e realización de programas de formación ante a ludopatía e outras adiccións sen substancia e as súas consecuencias.
• A investigación sobre as condicións individuais e sociais que inducen á ludopatía e outras adiccións sen substancia.

Para a consecución destes obxectivos establecerase un programa anual de actividades que estará vixente desde o 1 de xaneiro ata o 31 de decembro de cada ano.